Shërbimi Meteorologjik Ushtarak ka reaguar së fundmi lidhur me shtrëngatat që kanë pushtuar vendin. SHMU shkruan në rrjetin social Facebook se “sasia më e madhe e reshjeve është regjistruar në qytetin e Lezhës me 53.0 mm, Shkodrës me 26.0mm, Tiranës 20.0mm”.
Reagimi i plotë: “Në 10 minuta ka pasur rreth 290 shkarkesa elektrike. Reshjet e shiut në formën e shtrëngatave e stuhive po ushtrojnë aktivitetin e tyre në qytetet Tiranë, Lezhë, Elbasan. Sasia më e madhe e reshjeve është regjistruar në qytetin e Lezhës me 53.0 mm, Shkodrës me 26.0mm, Tiranës 20.0mm. Kjo situatë është shoqëruar edhe me erë të vrullshme deri në 15-18 m/sek. Për orët në vijim reshjet intensive shoqëruar me shtrëngata e stuhi do të mbeten më të përqendruara në Shkodër, Lezhë, Durrës e Tiranë. Përmirësimi i situatës pritet të vijë gradualisht nesër në pjesën e dytë të ditës”.
