Inspektorati Shtetëror Shëndetësor ka gjobitur disa administratorë në tatime, pasi nuk kanë zbatuar ligjin antiduhan.
“Kemi gjobitur zyra të doganave, tatime, aluizni etj. Është gjobitur administratori i tyre, ka pas raste edhe individi”, deklaroi Vjollca Braho.
Zbatimi i ligjit antiduhan nisi në vitin 2014, ku u bënë disa ndryshime që kanë lidhje me forcimin e gjobës, e cila nëse përsëritet shkelja, trefishohet deri në heqjen e licencës së subjektit.
Mirëpo, pronarët e lokaleve nuk mund të justifikohen më duke rrethuar ambientet me plastamas apo ventratë si hapësirë ku mund të lejojnë duhanin.
“Nëse ka të rrethuar më shumë se 50 % të hapësirë qoftë me qese, ventratë, tenda, quhet ambient i mbyllur”.
Ndërkohë, ligji në fjalë me ndryshimet e reja ka hyrë në fuqi në datën 15 gusht ndërkohë që nuk do të lejohet të shiten më cigare të hapura. Po kështu ndalohet shisha dhe nargjile në ambiente të mbyllura apo cigare elektronike me shije të ndryshme.
