Të paktën 5 persona kanë vdekur dhe 21 të tjerë janë plagosur në një sulm me armë në Teksas të Shteteve të Bashkuara të Amerikës.
Sipas mediave vendase, një person i armatosur ka filluar të qëllojë me armë, pasi makina e tij është ndaluar nga policia, për shkak se kishte hyrë në parkingun e një kompleksi të lokaleve zbavitëse.
Nuk dihet ende identiteti i viktimave dhe të plagosurve, por raportohet se mes personave të plagosur është edhe një foshnje 17 muajsh. Sipas policisë, jo të gjithë personat e plagosur janë qëlluar me armë, pasi një pjesë e tyre janë lënduar nga xhamat e makinave, të cilat u thyen nga breshëria e plumbave.
Ndërkaq, guvernatori i Teksasit Greg Abbott deklaroi se: “Ne nuk do të lejojmë që shteti të mposhtet nga urrejtja dhe dhuna. Ne do të bashkohemi, siç bëjnë gjithmonë , për t’iu përgjigjur kësaj tragjedie”.
