Shoferi i një furgoni në Kinë është përballur me një situatë të “frikshme”, pasi në një moment, automjeti tek i cili ndodhej u përfshi nga flakët.
Siç shihet edhe në videon e publikuar, kapur nga kamerat e sigurisë, shoferi, në mënyrë që t’iu shpëtojë flakëve, është detyruar të dalë nga furgoni i bardhë përmes dritares. Ngjarja ka ndodhur në qytetin Chingqing në Kinë.
Reagimi i tij në kohë, u bë shkak që ngjarja të mos përfundonte tragjikisht. Ndërkohë, kanë qenë punonjësit e karburantit, ata që shuan në kohë zjarrin, duke evituar kështu një aksident me pasoja fatale për personat që gjendeshin në vendngjarje në ato momente.
