Një aksident i frikshëm ka përfshirë dy nga artistët e shtëpisë diskografike “Three Dots”, këngëtarin Bruno dhe muzikantin Mir Vathi.
Ngjarja mësohet të ketë ndodhur dy ditë më parë në fshatin Maliq, të Korçës, teksa dy artistët kanë qenë duke udhëtuar për të marrë pjesë në një koncert.
Sipas “News31.al”, në një moment gjatë rrugës, makina e tyre ka dalë nga trajektorja duke rënë nga lartësia.
Pavarësisht plagëve të marra, mësohet se dy të rinjtë janë jashtë rrezikut për jetën. Mësohet se ata ndodhen në spital në Tiranë ku janë nën vëzhgimin e mjekëve dhe po marrin mjekimin për plagët.
