Një ngjarje e rëndë ka ndodhur në Vlorë, ku si pasojë e një konflikti kanë mbetur të plagosur 3 persona.
Sipas njoftimit të policisë, konflikti ka ndodhur në lagjen 1 Majin në lokalin e shtetasit A.B., ku si pasojë ka mbetur i plagosur i zoti i lokalit dhe dy persona të tjerë.
Pronari i lokalit mësohet se ndodhet në sallën e operacioni në spitalin e Vlorës, teksa dy të plagosurit e tjerë janë jashtë rrezikut për jetën.
Ndërkohë, policia ka identifikuar 2 autorët me inicialet SH.L, dhe E.XH, ndaj të cilëve është vënë në ndjekje Policia e Vlorës dhe FNSH-ja e Fierit.
Grupi hetimor ndodhet në vendngjarje dhe po punon për sqarimin e rrethanave të ngjarjes, si dhe sekuestrimin e çdo prove që do ti shërbejë hetimit.
