Hamza bin Laden, djali dhe trashëgimtari i liderit famëkeq të Al Qaeda Osama Bin Laden ka vdekur.
Lajmi u bë i ditur nga mediat amerikane, ndërkohë që autoritetet vendase nuk kanë dhënë detaje të tjera lidhur me vdekjen e tij.
Në muajin mars, Departamenti i Shtetit të SHBA-ve kishte vendosur një çmim 1 milion dollarësh për Hamzën, duke e konsideruar atë një lider në zhvillim të organizatës të udhëhequr dikur nga babai i tij.
Hamza Bin Laden u shfaq në publik për herë të fundit në vitin 2018, kur u bëri thirrje njerëzve të revoltohen kundër Arabisë Saudite.
Në deklaratat e tij të fundit publike, gjithashtu përfshinte kërcënime për Arabinë Saudite, e cila i hoqi nënshtetësinë në Mars 2019, duke e quajtur atë një figurë të njohur terroriste.
