Një grabitje ka ndodhur në Gjirin e Lalzit, mëngjesin e sotëm, ku persona ende të paidentifikuar kanë vjedhur kasafortën e një marketi.
Sipas deklaratës së policisë, nuk është verifikuar akoma se sa ishte shuma që gjendej në kasafortën e vjedhur. Gjithashtu, dyshohet se po të njëjtët persona kanë vjedhur edhe një automjet të tipit “Range Rover”, në pronësi të një 55-vjeçar, i cili e kishte parkuar makinën afër këtij marketi.
Policia po punon për identifikimin dhe kapjen e autorëve, ndërsa materialet hetimore i kaluan Prokurorisë për veprime të mëtejshme.
