Vdekja e futbollistes Florijana Ismaili ka tronditur botën e sportit dhe jo vetëm. Trupi i 24-vjeçares u gjet dje në Liqenin Como, pasi ajo u shpall e humbur pasditen e të shtunës. Florijana së bashku me një mikeshë kishin marrë me qira një varkë dhe ishte hedhur në liqen, por nuk arriti dot të dalë në sipërfaqe.
Futbollistja me origjinë shqiptare përfaqësonte Zvicrën dhe ishte kapitene e skuadrës Young Boys. Trajnerja e skuadrës Nils Nielsen pas ngjarjes së rëndë u shpreh se ishin të tronditur.
“Jam shumë e trishtuar dhe vazhdoj të dridhem. Është e vështirë të pranojmë që Flori nuk është më. Ajo ishte gjithmonë e qeshur dhe natyra e saj e lumtur, ishte një inspirim për të gjitha ne. Ajo ishte një vajzë me karakter të fortë dhe e vendosur të përballonte çdo sfidë.”
Ein Herz für Florijana und ihre Familie
https://t.co/gWQsDGbQbh #BSCYB #EINHERZFÜRFLORIJANA pic.twitter.com/L2ZLSUQLpR
— ??? ????? ???? (@BSC_YB) July 2, 2019
Edhe futbollisti shqiptar Xherdan Shaqiri shprehu ngushëllimet për familjen Ismaili.
“Unë jam thellësisht i tronditur nga vdekja e Florijana Ismailit. Familja ime dhe unë dëshiroj t’i shprehim ngushëllimet tona familjes Ismaili dhe të afërmve.”
Gjithashtu, futbollisti tjetër shqiptar, mesfushori i Arsenalit dhe lojtari i Kombëtares së Zvicrës, Granit Xhaka ka shprehur ngushëllimet e tij për Floriana Ismailin përmes një postimi në Insta Story.
Ai ka postuar fotografinë e Ismailit dhe ka shkruar: “Ngushëllime”.
Gianni Infantino, presidenti i FIFA, u shpreh se ky është një moment i vështirë veçanërisht tani që po mbildhen për “Kupën Botërore të Vajzave.”
Lia Walti një tjetër futbolliste dhe mikeshë e Florijanës u shpreh:
“Deri në moment të fundit isha duke shpresuar për një mrekulli dhe uroja me zemër të ishte një ëndërr e keqe. Lajmi më tronditi shumë dhe në një moment të tillë nuk mund të gjesh asnjë fjalë të duhur. Unë uroj shumë që Flori të mos ketë vuajtur.”
Ismaili ka debutoi në 2014-ën me Zvicrën në Kupën e Botës, duke u shndërruar në një nga lojtaret më të rëndësishme të kombëtares helvete. Dhe prej atëherë luajti 33 ndeshje dhe shënoi 3 gola. Veç njerëzve të sportit dhe personazheve publik, ditën e sotme të gjitha mediat ndërkombëtare shkruan artikuj të ndryshëm në nder të futbollistes me origjinë shqiptare./ Burimi: Mirror, Përshtati: TIRANA TODAY
