Kryetarja e Lëvizjes Socialiste për Integrim, Monika Kryemadhi reagon pas votimeve të sotme.
Në një postim në Facebook, Kryemadhi shkruan se 85% e shqiptarëve refuzuan Edi Ramën, duke e cilësuar këtë një fitore të demokracisë.
“Pjesëmarrja ekstremisht e ulët është një fitore për popullin shqiptar e demokracinë në Shqipëri si dhe një goditje kundër diktaturës së Ramës”, shkruan ndër të tjera kryetarja e LSI-së.
Postimi i plotë:
85% e shqiptarëve refuzuan sot votimet moniste të Edi Ramës. Refuzuan premtimet boshe. Refuzuan Ramën.
Kjo e sotmja është një fitore për demokracinë shqiptare! Pjesëmarrja ektremisht e ulët është një fitore për popullin shqiptar e demokracinë në Shqipëri si dhe një goditje kundër diktaturës së Ramës.
Shqipëria është shtëpia e shqiptarëve ?
P.S: Sado që ti mbushësh kutitë, shqiptarët të refuzuan. Bye bye Edi ?
