Partia Demokratike ka publikuar pamjet ku shihet një prezencë e shtuar e forcave të policisë, të cilët presin mbërritjen e ish deputetit Bardh Spahia.
Janë dhjetëra forca policie me maska kundragazi e të armatosur, që janë bërë gardh para Gjykatës së Shkodrës. Gjithashtu, forca të tjera policie qendrojnë para protestuesve, që kërkojnë lirimin e ish-deputetit Spahia.
“Shkodra në shtet rrethim, ndërkohë policia rri në gatishmëri për të hedhur gaz lotsjellës! Nëse nuk lirohet sot Bardh Spahia, nuk ka gaz që e ndalon revoltën e qytetarëve, sepse Shkodra nuk e pranon komunizmin”, deklaron PD-ja.
