Bota e videolojërave ka shumë rreziqe. Një i mitur në Amerikë i ka shtuar frikën prindërve, pasi i kishte vënë në dijeni se do të digjte shtëpinë, nëse nuk e linin që ai të luante.
‘Fortnite’ është videoloja e re në internet, e cila ka bërë shumë të rinj të krijojnë varësi. Madje, kjo lojë po vë në rrezik jetën e të rinjve, të cilët qëndrojnë të mbyllur me orë të tëra për të luajtur.
Në Amerikë është hapur një qendër speciale rehabilitimi vetëm për këtë lojë.
14-vjeçari Jill Sweatman ka kërcënuar prindërit e tij se do të digjte shtëpinë, nëse nuk e linin të luante.
Sipas ‘The Sun’, 14-vjeçari luante më shumë se 12 orë në ditë, deri sa prindërit e tij i morën kompjuterin. Pas këtij akti, djali mori një çakmak dhe tha se do të digjte shtëpinë. Madje mori një thikë dhe shkruajti emrin e tij në muret e shtëpisë.
