Trajneri i Kombëtares Shqiptare, Edi Reja synon që kuqezinjtë të fitojnë ndaj Islandës dhe Moldavisë, në mënyrë që të mbajë gjallë shpresën për t’u kualifikuar sërish në Evropian.
E për këtë arsye italiani u ka besuar lojtarëve ekspertë, ndërsa kërkon që vetë lojtarët të besojnë se Shqipëria mund të kualifikohet sërish në europian.
Gjatë fjalës së tij në konferencë, Reja deklaroi se duhet të kemi një skuadër agresive, por mbi të gjitha të ekuilibruar në repartin defensiv.
“Objektivi mbetet i njëjtë, të arrijmë europianin por jo të gjithë mund t’ia dalin. Objektivi ynë është të fillojmë të besojmë se mund t’ia dalim. Kush vjen këtu duhet të jetë i bindur se mund t’ia dalim. Shpresoj të kemi një skuadër agresive por mbi të gjitha të kemi një skuadër të ekuilibruar në repartin defensiv. Në këtë pikë duhet të punojmë shumë në aspektin psikologjik”, tha Reja.
