Një aksident i rëndë me pasojë vdekjen e një 63-vjeçari ka ndodhur pasditen e djeshme në afërsi të Malgara të Selanikut. Raportohet se personi që humbi jetën është një shtetas shqiptar.
Sipas mediave greke, shqiptari humbi kontrollin e makinës dhe u përplas me një automjet tjetër, teksa po udhëtonte në rrugën nacionale Selanik-Athinë. Përplasja rezultoi fatale për 63-vjeçarin, identiteti i të cilit nuk bëhet me dije. Ai kishte pësuar plagë të rënda duke i shkaktuar vdekjen.
Ndërkohë policia greke vijon hetimet për të zbardhur shkaqet e plota të aksidentit.
