Bilanc tragjik nga aksidenti në Peqin, mëngjesin e sotëm. Raportohet se nga përplasja e dy makinave te “Kryqëzimi i Gjocaj” një grua ka humbur jetën, ndërsa kanë mbetur të plagosur pesë persona.
Mësohet se viktima është Fatime Braho, 50 vjeç, ndërsa të plagosurit që po marrin ndihmë mjekësore në spital janë: Kamer Beqiri, Gezim Braho, Kristian Hoxhallari, Ismail Hoxhallari dhe Florent Hoxhallari.
Ndërkaq, burime nga policia bëjnë me dije se makina në të cilën ndodhej viktima, ishin duke u kthyer nga një gëzim familjar, nga Durrësi në drejtim të Korçës ku banonin.
Në vendngjarje kanë mbërritur tre ambulanca, nga Peqini, Rrogozhina dhe një nga Elbasani, të cilët kanë dhënë në kohë ndihmën e parë mjekësore.
