Zbardhet krimi në fshatin Vagalat të njësisë administrative Luftinjë, në Memaliaj. Bashkëshorti i viktimës 53-vjeçare Antoneta Hoxha ka pranuar se është ai autori i krimit.
“E vrava unë. Debatuam, nuk durova dhe e qëllova. Nuk doja të vdiste”, ka thënë 63-vjeçari.
Viktima u gjet pa jetë në banesën e saj me shenja dhune në kokë dhe trup.
“Pas njoftimit të marrë se shtetasja A.H., banuese në fshatin Vagalat, Bashkia Memaliaj, u gjet nga familjarët e pajetë në banesë, me dëmtime në kokë, menjëherë u ngrit grupi hetimor ku në bashkëpunim me Prokurorinë kryen veprimet e para procedurale. Në përfundim të veprimeve të para hetimore, Specialistët e Stacionit të Policisë Memaliaj nën drejtimin e Prokurorisë së Rrethit Gjyqësor Gjirokastër bënë arrestimi në flagrancë të shtetasit S.H., 63 vjeç, i cili ka vrarë bashkëshorten e tij, shtetasen A.H., 53 vjeçe. Materialet i kaluan Prokurorisë për hetime të mëtejshme”, deklaron zyrtarisht policia.
