Kreu i Partisë Popullore Europiane, Manfred Weber zotohet të ndërpresë bisedimet e anëtarësimit më Turqinë.
Turqia ka qenë kandidate për t’iu bashkuar unionit që prej vitit 1999, ndërsa bisedimet për anëtarësim nisën në tetor të vitit 2005, por ngecën në 2016-ën.
Weber pritet të zëvendësojë Jean Claude Juncker si President i Komisionit Europian.
Ndërkohë, në platformën e bërë publike ai ka përmendur 12 pikat kryesore që do të përbëjnë prioritetet e Weber, ku në krye të listës është blindimi i kufijve të jashtëm europianë me 10 mijë roje deri në vitin 2022, ndërsa premtoi gjithashtu të luftojë nacionalizmin nga e majta dhe e djathta.
