Ditën e sotme në të gjithë Shqipërinë do të dominojnë vranësirat, ku më të dendura do të jenë në zonën lindore duke gjeneruar shi. Në mesditë vranësirat do të shtrihen në të gjithë territorin, herë pas here në formë rrebeshi.
Pasditja vijon në ndikimin e vranësirave dhe shirave të dobët në zonat malore, duke lënë me mot të vranët bregdetin dhe zonat e ulëta.
Era do të fryjë mesatare me shpejtësi 35km/h nga drejtimi juglindor duke krijuar në det dallgëzime 3 ballë. Temperaturat e ajrit do të ulen në mëngjes, por rriten në mesditë duke luhatur vlerat ditore nga 6 në 25-26 gradë celsius.
