Një tjetër denoncim vjen në faqen e Facebook-ut të ish-kryeministrit Berisha. Ankesa ka ardhur nga një polic i Drejtorisë së Qarkut Vlorë, ku bën me dije se policia bashkëpunon me kriminelët më të rrezikshëm, të cilët janë shpallur në kërkim.
Qytetari digjital njofton Berishën se para dy ditësh, në sallën operative të Policisë së Vlorës ka mbërritur një telefonatë, ku thuhej se në një ambient në qytetin bregdetar ishin grumbulluar armatime, ku ishte i përfshirë një person i kërkuar ndërkombëtarisht, por askush nuk u lejua të afrohej.
Ai po kështu thekson se Vlora po jeton nën kriminalitetin më të madh që ka njohur ky qytet, ku bandat lëvizin me mjete të blinduara dhe makina luksoze. Jo vetëm kaq, por askush nuk ndërhyn.
