Pas përjelljes në banesën e fundit të babait dhe xhaxhait, Astrit dhe Ibrahim Bilali të cilët u ekzekutuan pak ditë më parë, ish-kampioni i boksit, Asmer Bilali ndodhet sërish në Shkodër.
Bilali ka dëshmuar në seancën gjyqësore për sulmin ndaj ish trajnerit, Ernest Gjoka. Gjoka u godit në shkurt të vitit 2018, kur drejtonte ekipin e Vllaznisë.
Dy vëllezërit Astrit dhe Ibrahim Bilali u ekzekutuan me breshëri plumbash, kur po dilnin nga banesa e tyre në lagjen “Kiras”. Autorët janë larguar nga vendngjarja me makinë, të cilën e kanë djegur disa kilometra larg vendngjarjes, në lagjjen “Guerile”.
Shpejtësia me të cilën ka mbërritur zjarrfikësja, ka bërë që të shpëtojë makinën nga djegia e plotë, duke i lënë kështu policisë, një provë në duar. Astrit Bilali është babai i Asmer Bilalit, i arrestuar si pjesë e grupit “Bajri” në Shkodër, ndërkohë që grupi kundërshtar i tyre janë Licajt. Dyshohet që pikërisht lufta mes këtyre bandave të këtë sjellë viktimat e radhës.
Astrit Bilali ishte një biznesmen i njohur në qytetin e Shkodrës. Kishte në pronësi të tij një resort hipizmi, pasion të cilin ja ka trashëguar edhe djalit të tij, Asmer Bilalit. Ndërkohë edhe Ibrahim Bilali është ish-kampion i hipizmit.
Asmer Bilali, ish-boksier i Vllaznisë, ra në qendër të mediave kohë më parë kur mbeti i vrarë në një atentat shoku i tij Arjan Ferracaku, teksa kalëronte pikërisht në resortin e Astrit Bilalit.
