Ish-banori i “Big Brother 8”, Kreshnik Husaj, i njohur ndryshe dhe si Kika, është arrestuar nga policia e Tiranës, pas plot 30 denoncimesh që i janë bërë atij nga bashkëpunëtorët e emisionit të tij “The one show nga Kikia”, dhe nga viktimat e mashtruara. Husaj u merrte nga 300 euro vajzave, për t’i promovuar si prezantuese në emisionin e tij.
Zaida Çobon, edhe kjo ish banore e të njëjtit edicion të “Big Brother Albania”, ka deklaruar se nuk është paguar për dy muaj punë, si dhe nuk pranonte dot mashtrimet që u bënte njerëzve të ndryshëm.
“Është e vërtetë që kam denoncuar Kreshnik Husajn, dhe ai tashmë është arrestuar. Kam qenë e para që e kam denoncuar, dhe që e kam vënë para përgjegjësisë bashkë me stafin.
Nuk mjaftoi që ai abuzoi me emrin tim, po ndërkohë ai nuk më pagoi për dy muaj e ca punë dhe mbi të gjitha nuk e pranoja dot faktin që mashtronte e merrte lekë nga njerëzit si pa të keq”, ka thënë fillimisht Zaida Çobo.
Një nga denoncimet ka ardhur edhe nga grup djemsh, të cilët kanë deklaruar në polici se ishin paraqitur për të marrë pjesë në një eveniment të quajtur “Mister & Miss Albania Plus”, që do ta organizonte Kika. Sipas tyre, ai u ka kërkuar favore seksuale, për të fituar çmimin e parë.
Kreshnik Husaj, është arrestuar dy vite më parë për prostitucion, ku madje akuzohet të ketë detyruar edhe gruan e tij të ushtrojë prostitucionin.
