I ndodhur para një ngërçi politik, presionit të opozitës dhe thirrje të ndërkombëtarëve, duket se kryeministri Edi Rama ka gjetur zgjidhjen se si të ‘pastrojë’ PS-në duke larguar kështu një nga figurat më të akuzuara, pikërisht Vangjush Dakon.
Burime brenda selisë së socialistëve thonë për Top Channel se PS-ja do të parashtrojë sot në mbledhjen e Komisionit Qendror të Zgjedhjeve një kërkesë të posaçme, ku do të kërkojë që të mos pranohet kandidatura e asnjë kryebashkiaku me 3 mandate në detyrë.
Kështu, selia rozë duket se i mbyll këtu rrugëtimin Vangjush Dakos, në Durrës; Qazim Sejdinit në Elbasan, por pritet që ky vendim të prekë edhe Xhelal Mziun në Kamëz, me këtë të fundit që vjen nga radhët e Partisë Demokratike, nëse kërkesa do të pranohet nga KQZ-ja.
