Moderatorja Einxhel Shkira ka rrëfyer në “Thumb” pse nuk shoqërohet me Nevinën dhe Fjoralbën, ndonëse janë së bashku në një emision. Ajo ka thënë me mjaft sportivitet se janë karaktere mjaft të ndryshme, dhe se nuk e gjen veten në to.
“Në punë, asnjëherë nuk mund të përputhemi të gjithë me njëri-tjetrin. Nuk është absolutisht as çështje sfide, gare apo xhelozie. Unë e di shumë mirë sa e aftë jam, deri ku shkon kapaciteti im dhe ndaj nuk mund të kem xhelozi profesionale.
Nga ana tjetër, për çështjen e pamjes, vajzat janë të gjitha shumë të bukura dhe unë asnjëherë s’kam pasur xhelozi për pamjen”, është shprehur Einxhel.
Më pas moderatorja ka sqaruar se ka një tip të ndryshëm me vajzat, dhe stili i jetës nuk ua mundëson që të kalojnë kohë së bashku, pas orarit të punës.
