Kemi dëgjuar shpesh të thuhet se një person ka lindur “me këmishë” e ne shqiptarët e konsiderojmë këtë një shenjë fati për të sapoardhurin në jetë.
Por, si është të lindësh me këmishë?
Fotografja Jana Brasil ka sjellë disa foto mahnitëse, që tregojnë momentin e ardhjes në jetë të një foshnje, teksa qesja amniotike në të cilën ai ndodhej nuk u ça.
Në një rast të tillë, janë mjekët ata që ndërhyjnë dhe duhet të çajnë me kujdes këtë qese jashtë mitrës.
Sipas statistikave, foshnjat që lindin me qesen amniotike të paprekur janë të rralla, teksa kjo është një dukuri që ndodh një herë në 100,000 raste. E në këtë rast, foshnja me fat quhet Noah.
