Pas identifikimit të trupit të gjetur në rrënojat e aeroplanit ku udhëtonte Sala, klubi i Nantës bën një gjest për t’u duartrokitur.
Në një njoftim në rrjetet sociale, ky klub bën me dije se ka vendosur të tërheqë fanellën me numrin 9, e cila mbahej nga Emiliano Sala për tre sezone e gjysmë në futbollin francez.
Vendimi erdhi pasi policia e Dorset, pas ekspertizës konfirmoi se trupi i gjetur nga fundi i detit në ngushticën e La Manshit është i Emiliano Sala.
“Sepse Emiliano Sala do të jetë gjithmonë pjesë e legjendave që kanë shkruar historinë e madhe të FC Nantes. Tërheqim numrin 9, që ai ka mbajtur në fanellën e tij”, thuhet në njoftimin e klubit francez.
