FIFA ka publikuar klasifikimin e kombëtareve dhe vihet re që Kombëtarja e Shqipërisë edhe pse nuk ka zhvilluar asnjë ndeshje në vitin 2019 ka pësuar rënie. Kuqezinjtë kanë humbur një pozicion dhe tashmë nga vendi i 60 që ishin kanë zbritur në vendin e 61.
Një lëvizje e tillë justifikohet edhe prej triumfit të Katarit në Kupën e Azisë, e cila ndikoi që kombëtarja e Katarit të ngjitej me 38 pozicione e për pasojë të kalonte edhe Kombëtaren e Shqipërisë.
Ndërkohë, ndryshe shfaqet situata për përfaqësuesen e Kosovës e cila vazhdon progresin e shfaqur muajt e fundit. Edhe “Dardanët” nuk kanë zhvilluar asnjë ndeshje për këtë vit kalendarik por ndryshe ka Shqipëria janë ngjitur me një pozicion më lartë teksa tashmë renditen të 130-tët duke përfituar edhe nga rezultatet jo të mira nga kombëtaret e tjera.
Sakaq në krye të ranglistës botërore nuk ka ndryshim teksa Belgjika kryeson e ndjekur nga kampionët në fuqi të botës, Franca, ndërsa në podium është edhe kombëtarja braziliane.
