Rasti i 16-vjeçares nga Drenasi i Kosovës ka shkaktuar tronditje të opinionit publik, pasi u zbulua se e reja u përdhunua nga efektivi, pasi ajo shkoi të denonconte një tjetër abuzim seksual të mësuesit të saj.
Lidhur me këtë rast ka reaguar edhe këngëtarja Nora Istrefi, e cila shpreh indinjatën për këto fenomene, ndërsa krahason Kosovën e sotme me atë të epokës së luftës.
“Atëherë dhunonin serbët femrat shqiptare, ndërsa tani arsimtarët dhe policët tanë. Turp për Kosovën në çfarë niveli (gjendje) ka arritur!”, shkruan ajo në “Instastory”.
“Pedofilat. Burg të përjetshëm”, shkruan këngëtarja në postimin e dytë, teksa po dëgjon lajmet në radio.
Efektivi i Drenasit ka përfunduar në pranga, pasi akuzohet se ka përdhunuar për një vit të renë duke e detyruar përmes shantazheve. Vajza madje kishte mbetur shtatzënë dhe ishte detyruar të abortonte.
