Kryedemokrati Lulzim Basha ka pritur kryetarin e Lëvizjes Vetëvendosje në Kosovë, Albin Kurti. Kryetari i Partisë Demokratike e vlerësoi atë për qëndrimin ndaj kauzës së drejtë të studentëve, e pedagogëve në Shqipëri, por edhe protestës së tyre.
“Basha dhe Kurti ndanë të njëjtin mendim mbi rëndësinë që ka dialogu mes Kosovës dhe Serbisë, domosdoshmërinë e mos cënimit të integritetit territorial dhe shtetëror të Republikës së Kosovës, si dhe unitetin politik me të cilin Kosova duhet të përfaqësohet në këtë dialog.
Kreu i opozitës shqiptare dhe udhëheqësi i Vetëvendosjes shprehën vendosmërinë për t’u qëndruar vlerave dhe standardeve perëndimore, si e vetmja garanci në mbrojtje të interesit më të mirë të Shqipërisë dhe Kosovës”.
