Gazetari Bejdo Malo, i ftuar në “360 Gradë” në “Ora News”, tha se janë edhe 45 kaseta të tjera me përgjime për blerjen e zgjedhjeve. Ai aludon se në këto përgjime del dhe emri i Arben Ahmetajt, si dhe Elvis Rroshit. Më tej ai shton se loja sapo ka filluar dhe se afati i fundit do të jetë data 15 për zbardhjen e kasetave të tjera.
Pjesë nga debati:
Malo: Loja sapo ka filluar. “Zëri i Amerikës” ka filluar edhe sot një tjetër zbërthim. Deri më datë 15 do të zbardhen edhe 45 kasetat e tjera të përgjimeve. Në përgjime del edhe një ministër i Financave të z.Rama. Del edhe kryetari i Bashkisë Kavajë. Nuk është vetëm Dibra dhe Durrësi, po shtrihet gjeografia e manipulimit të zgjedhjeve. Elvis Rroshi del në 12 kaseta. Aty del edhe Ministri i Financave që e hoqi tani. I ka Prokuroria ato.
Gjokutaj: E di në çfarë kohe janë regjistruar, dhe pse janë mbajtur? Që të skadojë afati i hetimit dhe ato bëhen të papërdorshme. Që të shqyrtohen, duhet të hetohen brenda afatit. Ato kaseta jepen për miletin, se Prokurorisë nuk i hyjnë në punë.
