Ministrja e Arsimit dhe Sportit, Besa Shahini ka dhënë një tjetër version të ngjarjes së sotme në Shkodër, ku nuk arriti të realizonte takimin e planifikuar me disa studentë.
Fillimisht u raportua se ishte Shahini ajo që braktisi takimin, për shkak se kërkoi që mbledhja të bëhej pa praninë e medias. Por, në një reagim ajo jep një tjetër version të ngjarjes.
Sipas ministres, kanë qenë studentët ata që kanë kërkuar që takimi me të të bëhej pa praninë e medias, arsye kjo që sipas saj, ka bërë që studentet të braktisin takimin.
“Keqardhje ndaj dhjetra studentëve të Universitetit të Shkodrës që më kishin kërkuar takim për të diskutuar për #paktinpëruniversitetin me kushtin që takimi të bëhej pa media, e që nuk erdhën sepse salla ishte mbushur me kamera. Jam në dispozicion për takim tjetër kurdoherë”, shkruan Shahini në Twitter.
