Ish-oficeri i policisë Arben Bilali, i cili u ekzekutua pak ditë më parë në Tiranë, ka pasur konflikte në të kaluarën me familjen Xhabafti, përplasje të cilat datojnë që nga 1994-1997, dhe janë mbartur përgjatë disa viteve, duke prodhuar edhe viktima.
Atentatet ndaj familjes Bilali datojnë që në 1997, ku u vra Bujar Bilali në Tiranë. Në maj të vitit 2010, tentohet të vritet Arben Bilali. Ndërsa disa muaj më pas ekzekutohet vëllai i tij Leonard Bilali, i sapo kthyer nga Italia. 9 vite më vonë, krimi godet sërish familjen Bilali, duke ekzekutuar në atentat pranë banesës, Arben Bilalin, ish-oficer policie.
Mësohet se policia ka marrë në pyetje katër anëtarë të familjes Xhabafti. Pjesëtarët e familjes Xhabafti kanë mohuar që të kenë lidhje me ngjarjen. “Nuk kemi lidhje, nuk e kemi porositur ne. I kemi mbyllur konfliktet”, mësohet se kanë deklaruar ndër të tjera anëtarët e familjes Xhabafti, para grupit hetimor që po punon për identifikimin dhe arrestimin e autorëve.
“Po më ndjekin”, ish-oficeri kishte dalluar para një jave një makinë të dyshimtë
