Kryetari i Partisë Demokratike, Lulzim Basha tha sot se kryeministri Edi Rama dhe kryebashkiaku i Tiranës, Erion Veliaj e kanë vendin në burgun 313.
Deklarata e fortë e Bashës u bë para banorëve të Astirit të cilët ishin në ditën e 89 të protestës.
Nga protesta, Basha kërkoi nga qytetarët që t’i bashkohen protestave për të rrëzuar Ramën dhe për t’i dhënë fund aferave korruptive të Veliajt.
“Asnjë përgjegjës se shteti ka rënë, Edi rama dhe qeveria ka braktisur qytetarët. I dhunojnë i tallin i përbuzin, në këtë situatë opozita ka shteruar pozicionin e saj.
Ndërkohë që jemi këtu Bashkia e Tiranës po bën dy akte korruptive, një të shembjes së drejtësisë së policisë, një tjetër dhënia me koncension e parkimit. E gjitha kjo bëhet për të zhvatur qytetarët, ndaj ju kërkoj të na bashkoheni për të mbrojtur xhepat tuaj.
Shumë shpejt do të japin llogari, këtij, mali, abuzimi, këtij mali të vjedhjes së poshtërimit. T’i japim një grusht në zemër pushtetit të Ramës dhe ta shtrijmë për dhe. T’ia kthejmë qeverinë shqiptarëve me 16 shkurt.
Politikanët e korruptuar do të ikin me turp dhe me mllef nga protesta e 16 shkurtit. As Edi Rama dhe as Erion Veliaj nuk kanë për të shkuar diku tjetër për post burgut 313.
Nuk do të lejojmë të arratisen nga Shqipëria, por do të japin llogari këtu. Prokuroria meriton grushtin më të fuqishëm ashtu si Edi Rama dhe Erion Veliaj”, u shpreh ai.
