Seanca e sotme në Kuvend është shoqëruar me debate të shumta, e me një fjalor rruge. Pasi Vasili nuk u përmbajt dhe shpërtheu me sharje, një reagim ka ardhur nga Taulant Balla, i cii nuk ka kursyer kunjat edhe ndaj kryetares së LSI, Monika Kryemadhi.
“Shfaqja që sapo pamë, në radhë të parë të gjithë keni në tavolina kodin etik, në nenin 11 zoti Spaho, pika dy kodi i sjelljes përcakton qartë që kur në këtë foltore një deputet apo ministre merr fjalën për herë të parë, pavarësisht nga cili grupi vjen, të gjithë deputetët janë të detyruar ta dëgjojnë. Neni 6 e 12 po ashtu, flet për respekt të kujtdo që merr fjalën.
Deputetja e LSI bëri disa pyetje, ministrja dha këndvështrimin e saj për çështjet e ngritura. Grupi i PD në mënyrë të paparë, i drejtuar nga kryetari në detyrë i PD sulmoi foltoren, që të mos linte ministren ti përgjigjej pyetjeve të bëra nga grupi i LSI.
Mësohuni, mësohu Monika se je që në 2001 deputete, me ndërprerje të shkurtër, keni dëshirë ministren, kryeministrin për çështjet që ngritët. Keni interpelancën, mocionin me debat. Por të lutem Monika, ça ka ndodhur që nuk po rakordohesh me Lulin, Mona ça ka ndodh?”, deklaroi Balla.
