Një nga shkaqet që çoi në protestat masive të studentëve është Ligji i Arsimit të Lartë, i kundërshtuar masivisht edhe nga pedagogë.
Tashmë, studentët kanë ndërmarrë një nismë për të anuluar këtë ligj. Studentët e Inxhinierisë së Ndërtimit dhe Arkitekturës kanë nisur një peticion, ku vijon mbledhja e firmave të studentëve që kërkojnë anulimin e ligjit.
Pritet që peticioni të përhapet edhe në fakultetet e tjera. Ndërkohë, kryeministri Rama ka refuzuar të plotësojë kërkesën e studentëve për anulimin e këtij ligji, të cilin e ka vlerësuar si një ligj që do të ndryshojë pozitivisht arsimin në vend.
