Një burrë u arrestua nga policia në jug të Kinës pasi hodhi një vajzë të vogël nga kati i tretë i një qendre tregtare dhe më pas u hodh edhe vetë. 36-vjeçari, i quajtur Li, u tha autoriteteve se ai kishte probleme financiare dhe donte jepte fund jetës së tij.
Vajza e vogël, e cila nuk e njihte sulmuesin e saj, pësoi lëndime në kokë, ndërsa kishte thyerje të shumëfishtë të eshtrave. Të dy ishin në gjendje të qëndrueshme në spital, deklaroi policia të shtunën.
Pamjet shokuese u kapën nga kamerat e sigurisë, kur 36-vjeçari po nxitonte drejt pengesës ndërsa po mbante vajzën në krah para se ta lëshonte atë. Disa sekonda më vonë, ai kërceu pas saj.
“Pas një hetimi fillestar, i dyshuari tha se problemet financiare kishin bërë që ai të konsideronte kryerjen e vetëvrasjeve,” tha në një deklaratë policia e qarkut Nanhai. “Ai kishte qenë duke ecur lart e poshtë në katin e tretë të qendrës tregtare. Rreth orës 12.00, ai pa një vajzë që dilte nga tualetet, e kapi dhe e hodhi atë nga kati i tretë në katin përdhes para se të hidhej vetë, “tha policia.
Zyrtarët shtuan se vajza nuk ishte e lidhur me personin në fjalë, ata nuk njiheshin fare. Li u arrestua me akuzën “tentativë vrasjeje”, ndërkohë që hetimet vazhdojnë, thuhet në deklaratën e policisë.
Përshtati TIRANA TODAY
