Fatma Methasani dhe Alfio Rrotani tashmë e kanë bërë publike lidhjen e tyre, e ndërsa për një kohë të gjatë janë munduar që ta mbajnë të fshehtë. E ftuar së fundmi në “Why Not”, Fatma ka treguar se para se ta njihte Alfion, kishte përshtypje tjetër për të. Kjo nisur edhe nga fakti se ai ka shumë tatuazhe, por në të vërtetë është një karakter tjetër.
“Kur e sheh me tatuazhe, mendon që ky është tip kushedi se si. Ndërkohë është shumë i thjeshtë, shumë i ëmbël, shumë i dashur, është krejt e kundërta e asaj që mund të krijosh imazh. Kisha komplet përshtypje tjetër, dhe kur e njeh është tjetër”, ka rrëfyer ajo për partnerin, me të cilin është e lidhur prej dy vitesh.
