Kushtet skandaloze në Urgjencën e Tiranës janë denoncuar nga Partia Demokratike. Deputeti Bardh Spahia ka publikuar videon ku faktohet se pacientët shtrohen në shtretër me pelshta, në një ambient me lagështirë, si dhe denoncon se pacientët transportohen në autoambulanca pa oksigjen dhe pa maska të përshtatura për fëmijë ose të rritur.
Ka qenë infermieri urgjencës ai që ka pranuar kushtet skandaloze për të cilat shteti nuk ndërhyn, teksa ka edhe një mungesë të ilaçeve të urgjencës, e mes edhe ilaçi primar kundër sulmeve në zemër, trinitrina.
“Në QSUT nuk ka ilaçe, mungojnë shumë. Autoambulanca nuk funksionon. Mungon oksigjeni, ilaçet e ndihmës së parë”, thotë infermieri i turnit.
Deputeti Spahia thotë se rrëfimi i infermierit është kurajoz, edhe pas dy vërejtjeve e kërcënimeve për largim nga puna.
“Për shkak të denoncimeve të mëparshme të kësaj situate skandaloze, vazhdon të flasë me shpresën se diçka do ndryshojë e se puna fisnike që ai e kolegët e tij bëjnë çdo ditë për të shpëtuar jetë, të mos jetë një mision mbijetese profesionalisht së pari për shkak të mungesave, që nga ilaçet bazike për ndërhyrjen e shpejtë”, thotë Spahia.
