Barcelona të mërkurën zyrtarizoi blerjen më të fundit, ai është talenti Frenki De Jong. Katalanasit do të paguajnë plot 86 milionë euro(75+11 bonuset), për holandezin i cili do ti bashkohet skuadrës më 1 korrik.
Në një radio holandeze, babai i De Jong, ka zbuluar se gjatë kohës që djali i tij ishte në tratativa me PSG, Messi e kishte telefonuar, por nuk kuptuan asgjë, pasi argjentinasi nuk flet anglisht.
Por edhe pse me shumë mundim, Messi arriti ta bindë lojtarin të shkojë në Barcelonë dhe të firmosë kontratën 5-vjeçare me katalanasit. Lojtari momentalisht luan tek Ajaksi dhe është një nga talentet më premtues të futbollit europian.
