Komandanti i forcave ajrore të NATO-s, Gjeneral Wolters është pritur sot nga ministrja e Mbrojtjes, Olta Xhaçka.
Pas takimit, ata dolën në konferencë për shtyp, ku Wolters tregoi arsyet përse është zgjedhur Kuçova, për të vënë në zbatim këtë projekt ambicioz.
“Kuçova ka disa karakteristika të veçanta. Është në një vendndodhje të mrekullueshme gjeografike që të lejon të bësh atë çfarë kemi menduar, përfshi këtu edhe klimën e mirë që ka. Ju jeni një vend i mrekullueshëm. Në bazën ajrore të Kuçovës është bëri deri më tani një punë shumë e mirë, do vazhdojë investimi, do ketë edhe një ekip ajror që do t’i shtohet. Qëllimi ynë është vetëm të ecim përpara. Shqipëria ka dhënë kontributin e saj për NATO-n”.
Edhe ministrja e vlerësoi përzgjedhjen e Kuçovës is bazë ajrore, teksa tha: “Brenda pak muajsh do jetë gati master-plani nga Agjencia e NATO-s për Prokurimet dhe Mbështetjen – NSPA. Master-plani i hap rrugë fillimit të punimeve në terren. Baza ajrore e NATO-s në Kuçovë është një lajm i jashtëzakonshëm jo vetëm për ne, por edhe për gjithë rajonin, për sigurinë e gjithë rajonit”.
Vizita e gjeneralit Wolters përkon me 10-vjetorin e Shqipërisë në NATO dhe 70-vjetorin e krijimit të Aleancës.
