Kryetari i PD-së, Lulzim Basha thirri me tone të ashpra se Kuvendi u asgjësua me aktin e sotëm. Komenti i Bashws u bë për mediat jashtë Kuvendit, pasi opozita braktisi seancën parlamentare.
“Përfaqësojnë pushtetin e tij personal së bashku oligarkët. Me aktin e sotëm ishte asgjësimi i Kuvendit. Për herë të parë në 28 vite demokraci opozita kërkon debat parlamentar për të vërtetat pas emërimeve të kukullave. Opozita parashtroi kërkesë, asnjë rregull i procedurës nuk e pengon opozitën të marrë fjalën, por vetëm një kryetar Kuvendi i marrë peng nga një hajdut psiqik.
Kemi një qeveri në koma që erdhi në pushtet me votat e krimit. Jemi në një gjendje emergjence, ku për herë të parë që në kohën e Enver Hoxhës kryeministri mban edhe atë të ministrit të Jashtëm. Në një vend ku arsimi është më i shtrenjti dhe më i dobëti në Europë. Faturën e paguajnë banorët e Astirit,e paguan qytetari, sipërmarrja që po mbyllet për shkak të taksave të larta. Faturën e pagujnë familjet shqiptare, fëmijët që shkojnë pa ngrohje në shkollë. Faturën e paguajnë mediat, gazetarët”
