Dy ushtarë amerikanë janë konfirmuar në mesin e të vdekurve pas një sulmi terrorist nga ISIS këtë të mërkurë në Siri. Sulmi ka ndodhur pranë një restoranti në Manbij, ku një kamikaz ka shpërthyer para tij. Një zëdhënës ushtarak tha se dy ushtarakë vdiqën “gjatë kryerjes së një patrullimi rutinë në Siri”.
Agjencia kurde e lajmeve ANHA tha se dy amerikanë vdiqën nga plagët e rënda dhe dy të tjerë u plagosën në shpërthimin në Manbij, që u pretendua nga ISIS. Këto sulme vijnë pasi Donald Trump urdhëroi trupat amerikane të tërhiqen nga vendi, duke pretenduar se ISIS ishte mundur.
Observatori sirian për të Drejtat e Njeriut me bazë në Britani tha se vdiqën 16 vetë, ndërsa dhjetëra të tjerë janë plagosur. Mediat lokale raportuan se ushtarët ishin brenda restorantit kur një kamikaz shpërtheu pajisjen jashtë.
Agjencia e propagandës ISIS tha se grupi terrorist ishte përgjegjës për sulmin. “Një sulm vetëvrasës i kryer me një jelek eksploziv goditi një patrullë të koalicionit ndërkombëtar në qytetin Manbij,” tha organizata nëpërmjet mediave sociale.
Video nga vendi i ngjarjes tregoi uljen e helikopterit të koalicionit për të marrë të plagosurit. Ushtraku amerikan, Sean Ryan tha se ata ishin “të vetëdijshëm për një shpërthim në Siri”. Ai shtoi: “Forcat e koalicionit zhvilluan një patrullë rutinë në Siri sot. Ne po mbledhim ende informacione dhe do të ndajnë detaje shtesë në një dalje tjetër për mediat.”
Dy ushtarë britanikë të SAS u plagosën gjithashtu gjatë një sulmi me raketë të ISIS në një bazë në Deir Ezzour, në lindje të Sirisë, pak muaj më parë. Njëri prej tyre thuhet se ka marrë dëmtime serioze.
Sulmet vijnë pasi Amerika filloi të tërhiqet nga Siria pas njoftimit shokues të Donald Trump se ai po i çonte të gjitha trupat në shtëpi. Përshtati TIRANA TODAY
