Pas hedhjes së shortit, Liljana Muça do jetë gjyqtarja që do të shqyrtojë çështjen e “Eskobarit të Ballkanit”. Një ditë më parë, dorëzimi i Klement Balilit u bë pas negociatave ku u përfshinë avokati i tij Theodhori Sollaku, drejtori i Policisë së Shtetit Ardi Veliu, si dhe nipi i tij, i cili mban dhe postin e kryetarit të Bashkisë Delvinë, Rigels Balili.
Vetë kreu i policisë Ardi Veliu shkoi në Delvinë, për të ekzekutuar masën e sigurisë ‘arrest me burg” dhënë nga gjykata. Ndërkohë në mesditë, Balili u transferua në Tiranë, i shoqëruar nga drejtues të lartë të Policisë së Shtetit, dhe eskortë me policë civilë.
