Gazetari i njohur investigativ, Artan Hoxha, ka intervistuar pak para vendimit për t’u vetëdorëzuar në polici Klement Balilin. Gazetari ka tronditur lidhur me arsyen e mos arrestimit të Balilit deri tani. Sipas tij, ka ndikuar pamja, pasi Balili ka humbur disa kilogramë gjatë viteve në arrati.
“Unë e kam marrë në intervistë Klement Balilin. Ai sqaron pse ka zgjedhur këtë rrugë. Politika e ka përfshirë në një vorbull, ka qenë një patate e nxehtë. Kjo intervistë është bërë në orët e vona të natës.
Unë s’mund të tregoj me detaje ku, por ramë në një marrëveshje. Mua më interesonte të fliste për pozicionin e vet. Ndryshon shumë. Me intervistën që kam bërë në maj 2016, nuk ishte e lehtë ta njihje.
Klement Balili nuk është larguar nga Shqipëria. Pamja e ka bërë të vështirë ta njihnin. Një njeri kaq i kërkuar nga agjencitë ligjzbatuese, agjencitë e huaja. Imazhi i tij kishte ndryshuar, dhe kjo e ka ndihmuar të ishte një njeri i vështirë për t’u kapur”.
