Në kohën kur Meta refuzoi të dekretonte Gent Cakajn, tashmë pritet që Rama të marrë vetë drejtimin e Ministrisë së Jashtme. Ky vendim është diskutuar në mbledhjen e Kryesisë së PS-së. Tashmë pritet që kryeministri të dërgojë në Presidencë emrin e tij, si propozim për Ministër të Jashtëm.
Pak ditë më parë, gjatë një interviste për media, shefi i kabinetit të Ilir Metës, tregoi se gjatë bisedës që kreu i shtetit zhvilloi me kryeministrin sa i takon mos dekretimit të Cakajt, Meta i propozoi Ramës që të jetë ai Ministër i Jashtëm.
Një skemë e tillë u ndoq edhe nga Tsipras, kryeministri grek, i cili pas dorëheqjes së Kotzias, mori edhe postin e Ministrit të Jashtëm të Greqisë.
