Kryeministri Edi Rama ka reaguar lidhur me bojkotimin e mësimit, teksa studentët e zhvendosën protestën e tyre në fakultete duke mos lejuar zhvillimit e mësimit.
Këtë bojkot, Rama e cilëson si një “maskaradë”, ndërsa shkruan se ajo nuk do ta devijojë dot rrugën e nisur me studentët.
“U kërkoj ndjesë e mirëkuptim studentëve e prindërve,që përmes mijëra mesazhesh ankohen për pengimin e dhunshëm të mësimit. Përbuzje për politikën që fshihet pas këtij agresioni të papranueshëm ndaj Universitetit. Kjo maskaradë s’do ta devijojë dot rrugën e nisur me studentët”, shkruan Rama.
Në një tjetër postim në Twitter, Rama shkruan se tashmë universitetet kanë dorëzuar në Ministrinë e Arsimit listat e studentëve që përfitojnë marrëveshjen financiare. Ndërsa Ministria e Financave, vijon kryeministri, ka nisur sot punën për të realizuar alokimin e fondeve në çdo universitet, student për student.
Postimet e Ramës:
1/U kërkoj ndjesë e mirëkuptim studentëve e prindërve,që përmes mijëra mesazhesh ankohen për pengimin e dhunshëm të mësimit. Përbuzje për politikën që fshihet pas këtij agresioni të papranueshëm ndaj Universitetit. Kjo maskaradë s’do ta devijojë dot rrugën e nisur me studentët?
— Edi Rama (@ediramaal) January 10, 2019
2/Universitetet kanë dorëzuar në Ministrinë e Arsimit të gjitha listat e studentëve që do të përfitojnë mbështetjen tonë financiare, sipas Vendimit të Qeverisë. Ministria e Financave ka nisur sot punën për të realizuar alokimin e fondeve në çdo universitet, student për student?
— Edi Rama (@ediramaal) January 10, 2019
