Teksa ka marrë fjalën nga protesta e Astirit, deputeti demokrat Klevis Balliu ka ftuar gjithë shqiptarët që të ngrihen në protestë. Ai e ka cilësuar Ramën si të keqen më të madhe të historisë së kombit shqiptar.
Deputeti i PD-së, i cili ka qenë një ndër mbështetësit kryesorë të protestës, ka apeluar ndaj të gjithë qytetarëve, që të bëhen bashkë ditën e hënë, për të shporrur të keqen.
“Kjo fuqi duhet bashkuar ditën e hënë te studentët përballë Kryeministrisë, për ta hequr njëherë e mirë të keqen më të madhe të historisë së kombit shqiptar, Edi Ramën.
Sot e gjithë Shqipëria është në protestë. Të gjithë qytetarët, artistë dhe intelektualë, ditën e hënë duhet të bashkoheni si kurrë ndonjëherë, sepse kjo nuk është kauzë politike, por luftë midis të mirës dhe të keqes. Ju jeni e mira, Edi Rama është e keqja. Shporreni të keqen nga qeveria e shqiptarëve!”, u shpreh Klevis Balliu.
