Kryeministri Edi Rama ka shpërthyer lidhur me lajmin që bëri bujë në media, sa i takon oxhakut që dukej në spotin e bërë për emisionin “Xing”.
Në një reagim në Twitter, Rama ka sulmuar mediat, teksa shkruan se “qenka mbushur kazani i plehrave të pas festës së Vitit të Ri me oxhakun tim kozmik”.
Më tej, kryeministri sqaron se oxhaku në fjalë nuk është në shtëpinë e tij, pasi në pamjet në fjalë, Rama ka qenë në atelienë e një miku të tij.
“Qenka mbushur kazani i plehrave të pas festës së Vitit të Ri me oxhakun tim kozmik, që kadrinjtë e kanë zbuluar me rreze lazer në spotin e Ermalit?Eh,ja që s’është as oxhaku as shtëpia ajo, po atelieja e mikut tim qeramist,ku bujarisht jam i mirëpritur për orët e mia krijuese”, shkruan Rama në Twitter.
Qenka mbushur kazani i plehrave të pas festës së Vitit të Ri me oxhakun tim kozmik, që kadrinjtë e kanë zbuluar me rreze lazer në spotin e Ermalit?Eh,ja që s’është as oxhaku as shtëpia ajo, po atelieja e mikut tim qeramist,ku bujarisht jam i mirëpritur për orët e mia krijuese? pic.twitter.com/ZZmGss6Yyv
— Edi Rama (@ediramaal) January 4, 2019
Lajmi për oxhakun që dukej në spotin e Ermalit, bëri bujë në media pasi ai kapte shifrën e 12 mijë deri në 18 mijë euro.