Kryeministri Edi Rama ka vizituar paraditen e sotme maternitetin Koço Glozheni, ku ka takuar nënat që sollën në jetë foshnjet gjatë natës së ndërrimit të viteve.
Në një postim në Instagram, Rama shkruan se foshnja e parë e këtij viti është Aleksi, foshnja e dytë është një vajzë dhe më pas përsëri një vajzë.
Ndërkohë, kryeministri ka njoftuar edhe shumën që do marrë secili foshnje, teksa shkruan se „tre të parët kanë ardhur si për të ilustruar politikën e re të Bonusit të Bebes“.
Postimi i plotë:
Mirëmengjes nga Materniteti Koço Glozheni, ku u uruam mirëseardhjen bebeve që erdhën në natën e ndërrimit të viteve?I pari i këtij viti është Aleksi, vëllai i dy motrave që si fëmijë i tretë, do të hyjë në shtëpi me 120 mijë lek të reja me vete?Pas tij ka ardhur një vajzë, fëmijë i dytë, që do të hyjë në shtëpi me 80 mijë lek të reja, e më pas, përsëri një vajzë, e cila si fëmijë i parë, do t’u çojë prindërve në shtëpi 40 mijë lek të reja?Tre të parët kanë ardhur fiks si për të ilustruar politikën e re të Bonusit të Bebes? GEZUAR e me shëndet e mbarësi, të gjitha çifteve të reja e prindërve përsëritës të këtij Viti të Ri?
