Ashtu si në 3-vjetorin e Fundjavë Ndryshe, kryeministri Edi Rama përsëriti se pasi të mbarojë detyrën e tij si kryeministër, do të jetë një vullnetar i këtij fondacioni.
Këtë deklaratë kryeministri e bëri në konferencën e fundvitit me gazetarët, ku tha se drejtori i tij do të jetë Arbër Hajdari dhe se do të shfrytëzojë kapitalin e tij politik për të ndihmuar familjet e varfra në Shqipëri.
“E kam thënë edhe më përpara. S’kam pasur najherë drejtor se kështu më ka ardhur jeta. Mbasi të mbaroj këtë detyrë, drejtori im do jetë Arbër Hajdari. Pra do vazhdoj të jem një vullnetar i Fundjavë Ndryshe. Ju do vijoni të bëni punën si gazetarë, por fatmirësisht s’do merreni më me mua. Unë do punoj dhe ndihmoj familjet e varfra, duke e vendosur kapitalin tim politik në nevojë të tyre”, tha kryeministri. /TIRANA TODAY
