Presidenti Ilir Meta ka zgjedhur që një nga këto ditë të fundvitit ta kalojë pranë fëmijëve pa kujdes prindëror të Fshatit SOS, në Tiranë.
Presidenti ka shtruar edhe një drekë për ta, ndërsa ka qëndruar pranë fëmijëve duke kënduar e duke kërcyer bashkë me ta.
Meta u uroi përzemërsisht Vitin e Ri 2019 atyre dhe të gjithë fëmijëve të Shqipërisë. Ai shoqërohej nga dy fëmijët Era dhe Besar, si dhe nga aktori Bes Kallaku.
